Hujjatlar → Xavfsizlik
Ma'lumot qayerda va qancha saqlanadi
Asosiy printsip: video do'konda qoladi, cloudga faqat hodisa va kerakli kadr boradi.
Do'konda (lokal)
| Nima | Qayerda | Muddat |
|---|---|---|
| Uzluksiz video | NVR diskida (bizga tegmaydi) | NVR sozlamasiga qarab |
| Hodisa videobuferi | Do'kon kompyuterida | 3 kun, hajm chegarasi bilan |
| Kamera parollari | Do'kon kompyuterida / cloudda shifrlangan | Xizmat davomida |
| Takroriy tashrif izlari (pilot, funksiya yoqilgan bo'lsa) | Faqat do'kon kompyuterida, ism va rasmsiz | Oxirgi marta ko'rilganidan 30 kun |
Cloudda (server Yevropada, Fransiyadagi ma'lumot markazi)
| Nima | Izoh | Muddat |
|---|---|---|
| Hodisalar (kirdi-chiqdi, navbat…) | Raqam va vaqt — video emas | Tarifga qarab, standart 30 kun |
| Hodisa kadrlari (rasm) | Faqat qoida ruxsat berganlari | 48 soat / hajm kvotasi |
| Qisqa video kliplar | Bitta klip 50 MB gacha, diskni aynan shular to‘ldiradi | 48 soat |
| Issiqlik xaritasi | Faqat sonlar to'ri, rasm emas | 90 kun |
| Davomat yuz kadrlari | Faqat davomat yoqilgan do'konda (pilot) | 48 soat, avto o'chadi |
| Yuz namunalari (embedding) | Shifrlangan, kalit bazadan alohida | Xodim chiqquncha yoki so'rovgacha |
Kim ko'radi
Do'kon ma'lumotini faqat o'sha do'kon paneli a'zolari (egasi qo'shganlar) ko'radi. Rasmlar hech qachon ochiq havola bilan berilmaydi — faqat tizimga kirgan foydalanuvchiga. Har so'rov shifrlangan aloqa (HTTPS) orqali.
Demografiya haqida
Jins/yosh statistikasi anonim: bu baho uchun yuz rasmi saqlanmaydi va yuborilmaydi, yuz namunasi (embedding) olinmaydi — faqat «ayol, ~30 yosh» ko'rinishidagi raqam hodisaga qo'shiladi. Mijozning kimligi aniqlanmaydi.
Takroriy tashrif hisobi (ixtiyoriy, pilot)
Faqat Biznes tarifida, standart holatda o'chiq; do'kon egasi panelda o'zi yoqadi va eshikka e'lon osilganini tasdiqlaydi. Yoqilganda do'kon kompyuteri kirish kamerasidagi yuzdan anonim raqamli iz hisoblaydi va uni faqat o'zida saqlaydi: iz cloudga yuborilmaydi, ism yoki rasmga bog'lanmaydi va oxirgi marta ko'rilganidan 30 kun o'tgach o'chiriladi. Mijozning kimligi aniqlanmaydi. Panelga faqat umumiy sonlar boradi — nechta yangi, nechta qaytgan tashrif va necha kunda qaytgani.
Xodimlar sanoqqa kirmaydi
Xodim kuniga o'n martalab eshikdan o'tadi. Davomat (yuz tanish) yoqilgan do'konda tizim uni taniydi va uning o'tishlari mijoz sanog'idan, soatlik grafikdan va jins/yosh statistikasidan chiqarib tashlanadi. Hisobotda nechta o'tish chiqarilgani ham ko'rsatiladi.
Davomat yoqilmagan bo'lsa tizim xodimni mijozdan ajrata olmaydi — u holda kirish soni xodimlar hisobiga biroz yuqori chiqadi.
To'liq siyosat
Maxfiylik sahifasi · Davomat uchun rozilik shabloni · Do‘kon eshigiga kuzatuv eslatmasi.