Hujjatlar → Windows o'rnatish

Windows kompyuterga o'rnatish

Kerak: Windows 10/11 (64-bit), 8 GB RAM. Oddiy ofis kompyuteri (masalan, Core i5) 4 kamerani bemalol ko'taradi. O'rnatishning o'zi uchun internet shart emas; panel va Telegram hisobotlari uchun kerak.

1. Yuklab olish va o'rnatish

chaqimchi.uz/install sahifasidan o'rnatuvchini yuklab oling va ishga tushiring: «Keyingi → Keyingi → O'rnatish». O'rnatuvchi hamma keraklisini o'zi olib keladi (AI modellari, video kutubxonalari) — qo'shimcha dastur kerak emas. Windows «kompyuteringizni himoya qildi» desa: «Qo'shimcha ma'lumot» → «Baribir ishga tushirish».

«Kompyuter yonganda avtomatik ishga tushsin» va «Kameralarni avtomatik topish (tarmoq ruxsati)» bandlarini belgilangan holda qoldiring — birinchisisiz kompyuter qayta yoqilganda nazorat boshlanmaydi, ikkinchisisiz kamera qidiruvi ishlamaydi.

2. Ro'yxatdan o'tish va kompyuterni ulash

O'rnatish tugagach brauzer o'zi ochiladi. Telefon raqamingiz, login va parolni kiriting. So'ng «Bu kompyuterni ulaymizmi?» savoliga Ha deng — ekrandagi kod dastur oynasidagi kod bilan bir xil bo'lishi kerak. Kod kiritish shart emas.

3. Kamera va kirish chizig'i

Panelda «Kamerani ulash» → «Qidirish». Ko'p NVR o'zini tarmoqda e'lon qilmaydi — topilmasa NVR IP manzili va login-parolini qo'lda kiriting, dastur kanallarni o'zi tekshiradi. So'ng «Chiziq va zonalar» bo'limida kirish chizig'ini eshik oldiga suring. Chiziqsiz hech narsa sanalmaydi; birinchi raqamlar 10–20 daqiqada chiqadi.

Internetsiz yoki usta orqali o'rnatish

Internet bo'lmasa shu kompyuterda http://127.0.0.1:8760 ni oching (yorliq ish stolida). Sozlash ustasida kameralarni qidirasiz, nom berasiz va chiziq chizasiz — tahlil lokal ishlaydi. Cloudga keyinroq ulash uchun ustaning oxirgi qadamida bizdan olingan 6 belgili kodni kiriting: +998 93 222 50 70.

Keyingi qadam

NVR brendingizga mos sahifa: Hikvision · Dahua · Uniview. Ishlamasa: muammolar sahifasi.